2026 ம் ஆண்டுக்கான பீபா உலகக்கிண்ண கால்பந்தாட்ட தொடரில் இன்றைய போட்டியில் நடப்பு செம்பியனான ஆர்ஜென்டீனா அணி, 3-0 என்ற கோல் கணக்கில் அல்ஜீரியா அணியை வெற்றிகொண்டுள்ளது.
38 வயதான ஆர்ஜென்டீனா அணியின் நட்சத்திர வீரர் லியோனல் மெசி, ஹெட்ரிக் கோல்களை புகுத்தி தனது ஆட்டத்திறனை வெளிப்படுத்தியுள்ளார்.
குழு ஜே யில் இடம்பெற்ற குறித்த போட்டி , கென்ஸா சிட்டி மைதானத்தில் நடைபெற்றது. 17 ஆவது நிமிடம், 60 ஆவது நிமிடம் மற்றும் 76 ஆவது நிமிடங்களில் 3 கோல்களை மெஸ்ஸி புகுத்தினார்.
அதனூடாக உலகக்கிண்ண கால்பந்தாட்ட தொடரில் அதிக கோல்களை அடித்த ஜேர்மனியின் மிரோஸ் லாவ் க்ளோசேயின் 16 கோல்கள் என்ற சாதனையை மெஸ்ஸி சமன் செய்துள்ளார்.
அத்தோடு 6 உலகக்கிண்ண தொடர்களில் விளையாடிய முதல் வீரர் என்ற பெருமையும் லியோனல் மெசிக்கு இன்றைய போட்டியினூடாக கிடைக்கப்பெற்றுள்ளது.
இந்நிலையில் கிறிஸ்டியானா ரொனால்டோ, 15 கோல்களையும், ஜெராட் முலர் மற்றும் மெபாப்பே ஆகியோர் தலா 14 கோல்களையும் உலககக்கிண்ண தொடர்களில் பெற்று , கோல்கள் பட்டியலில் அடுத்தடுத்த இடங்களில் உள்ளமை குறிப்பிடத்தக்கது.
