இலங்கையின் எட்டு அரச சேவைகளில் நிலவும் மூன்றாம் தர வெற்றிடங்களை நிரப்புவதற்கான திறந்த போட்டிப் பரீட்சைக்கு தகுதியான இலங்கைப் பிரஜைகளிடமிருந்து விண்ணப்பங்கள் கோரப்பட்டுள்ளன.
இதன்படி, மொத்தம் 974 வெற்றிடங்களை நிரப்புவதற்கு அரசாங்கம் எதிர்பார்த்துள்ளது.
இந்த ஆட்சேர்ப்பானது பின்வரும் எட்டு அரச சேவைகளுக்காக முன்னெடுக்கப்படவுள்ளது.
- இலங்கை கல்வி நிர்வாக சேவை
- இலங்கை நிர்வாக சேவை
- இலங்கை விவசாய சேவை
- இலங்கை திட்டமிடல் சேவை
- இலங்கை கணக்காளர் சேவை
- இலங்கை பொறியியலாளர் சேவை
- இலங்கை கட்டடக் கலைஞர் சேவை
- இலங்கை விஞ்ஞான சேவை
விண்ணப்ப முடிவுத் திகதி அறிவிப்பு
விண்ணப்பங்களை 2026 நவம்பர் 16ஆம் திகதி காலை 9.00 மணி முதல் 2026 டிசம்பர் 11ஆம் திகதி காலை 9.00 மணி வரை இணையவழியில் சமர்ப்பிக்க முடியும்.
குறித்த போட்டிப் பரீட்சை 2027 பெப்ரவரி மாதத்தில் நாட்டின் அனைத்து மாகாணங்களிலும் உள்ள பிரதான நகரங்களில் நடத்தப்படவுள்ளது.
விண்ணப்பிப்பது எப்படி?
விண்ணப்பதாரர்கள் பரீட்சைகள் திணைக்களத்தின் உத்தியோகபூர்வ இணையத்தளமான www.doenets.lk இற்குச் சென்று, ‘Our Services’ பகுதியில் உள்ள ‘Application for the Common Recruitment Examination’ ஊடாக விண்ணப்பிக்க வேண்டும்.
விண்ணப்பங்கள் இணையவழியாக மாத்திரமே ஏற்றுக்கொள்ளப்படும் என அறிவிக்கப்பட்டுள்ளது.
ஒவ்வொரு சேவைக்கும் விண்ணப்பிப்பதற்கான கல்வி மற்றும் ஏனைய தகைமைகள் தொடர்பான முழுமையான விபரங்களை உத்தியோகபூர்வ வர்த்தமானி அறிவித்தலில் பார்வையிட முடியும்.
அரச சேவையில் இணைய விரும்பும் தகுதியான இளைஞர், யுவதிகளுக்கு இது ஒரு முக்கியமான வாய்ப்பாகும்.









