2026ம் ஆண்டுக்குரிய கல்விப் பொதுத் தராதர உயர்தரப் பரீட்சை ஓகஸ்ட் மாதம் 10ம் திகதி ஆரம்பமாகுமென பரீட்சைத் திணைக்களம் தெரிவித்துள்ளது. செப்டம்பர் மாதம் 05ம் திகதி வரை உயர்தரப் பரீட்சைகள் நடைபெறுமென அறிவிக்கப்பட்டுள்ளது.
இதேவேளை 2026ம் ஆண்டுக்குரிய ஐந்தாம் தர மாணவர்களுக்கான புலமைப்பரிசில் பரீட்சை ஓகஸ்ட் மாதம் 09ம் திகதி நடைபெறுமென பரீட்சைகள் திணைக்களம் தெரிவித்துள்ளது.
புலமைப்பரிசில் பரீட்சையின் இரண்டாம் பகுதி பரீட்சை ஓகஸ்ட் மாதம் 09ம் திகதி முற்பகல் 09.30 மணி முதல் 10.45 மணி வரை நடைபெறவுள்ளது. முதலாம் பகுதி வினாத்தாளுக்குரிய பரீட்சை முற்பகல் 11.15 மணி முதல் பிற்பகல் 12.15 மணி வரை நடைபெறுமென பரீட்சைத் திணைக்களம் மேலும் குறிப்பிட்டுள்ளது.
