இலங்கை தமிழ் திரைப்பட உலகில் ஒரு புதிய அத்தியாயம் தொடங்கியுள்ளது. ஆஸ்திரேலியாவை தளமாகக் கொண்ட Azonway Pictures நிறுவனத்தின் நிறுவனர் ஷெல்வின்தாஸ் அவர்களின் தயாரிப்பில், பெரும் பொருட்செலவில் உருவாகி வரும் புதிய திரைப்படம் GREY – The Shades of Humans தற்போது திரைப்பட ஆர்வலர்களிடையே பெரும் கவனத்தை பெற்றுள்ளது.
திரைப்படத்தை இளம் இயக்குநர் Lee Murali இயக்குகிறார். சமூகத்தின் மனித உணர்வுகளையும், வாழ்க்கையின் சாயல்களையும் பிரதிபலிக்கும் விதமாக உருவாகும் இந்த படம், இலங்கை சினிமாவிற்கு ஒரு புதிய பரிமாணத்தை வழங்கும் என எதிர்பார்க்கப்படுகிறது.
இந்த படத்தில் தென்னிந்திய கலைஞர்களுடன் இணைந்து, இலங்கை தமிழ் மற்றும் சிங்கள கலைஞர்களும் முக்கிய பங்களிப்பை வழங்குகின்றனர். இதனால் இந்த திரைப்படம் ஒரு பன்முக கலாச்சார இணைப்பாகவும் பார்க்கப்படுகிறது.
இளம் இசையமைப்பாளர் Hip Hop Sangee இசையமைக்கிறார்.
இந்த படத்தின் பாடலாசிரியராக சர்வதேச புகழ்பெற்ற கவிஞர், தமிழ் திரைப்பட பாடலாசிரியர், பல வெற்றிப்பாடல்களின் சொந்தக்காரரர் பொத்துவில் அஸ்மின் இணைந்துள்ளதால் எதிர்பார்ப்பு எகிறியுள்ளது.
இலங்கை தமிழ் சினிமாவில் ஒரு மைல்கல்லான திரைப்படமாக #grey அமையும் என நாமும் நம்புகிறோம்
