இஸ்ரேல் மீதான ஏவுகணை மற்றும் ட்ரோன் தாக்குதல்களை வழிநடத்திய IRGC-ன் விமானப்படை தலைமையகம் தரைமட்டமாக்கப்பட்டுள்ளது.
கடந்த 24 மணித்தியாலங்களில் இஸ்ரேல் 900 குண்டுத்தாக்குதல்களை மேற்கொண்டுள்ளது.
ஈரானின் 140-க்கும் மேற்பட்ட இலக்குகள் மீது அதிநவீன குண்டுகளை வீசி இஸ்ரேலியப் படைகள் தாக்குதல் நடத்தியுள்ளன.
ஈரானின் இராணுவக் கட்டமைப்புகளைச் சிதைக்கும் பாரிய தாக்குதல்களை இஸ்ரேல் மேற்கொண்டுள்ள நிலையில், தாக்குதல் தொடர்பான பல்வேறு தகவல்கள் வெளியாகியுள்ளன.
இந்நிலையில் லெபனான் தலைநகர் பெய்ரூட்டின் மையப்பகுதியில் அமைந்துள்ள சொகுசு விடுதியொன்றில் பதுங்கியிருந்த ஈரானின் புரட்சிகர காவல் படையின் 5 முக்கியத் தளபதிகள், இஸ்ரேலியக் கடற்படையின் துல்லியமான தாக்குதலில் கொல்லப்பட்டுள்ளனர்.
லெபனான் மற்றும் பலஸ்தீனப் பிராந்தியங்களில் இஸ்ரேலுக்கு எதிரான தாக்குதல்களை ஒருங்கிணைத்த முக்கிய சூத்திரதாரிகளே இவ்வாறு கொல்லப்பட்டதாகத் தெரிவிக்கப்பட்டுள்ளது.
‘இனி எவருக்கும் எங்கும் பாதுகாப்பு இல்லை’ என்ற எச்சரிக்கையை இதன் மூலம் இஸ்ரேல் உலகிற்கு விடுத்துள்ளதாக அரசியல் ஆய்வாளர்கள் குறிப்பிட்டுள்ளனர்.









