T- 20 உலகக்கிண்ணத்தை மூன்றாவது தடவையாக இந்திய அணி கைப்பற்றியுள்ளது.
தொடர்ச்சியாக தடவைகள் T- 20 உலகக்கிண்ணத்தை கைப்பற்றிய அணி என்ற பெருமையையும் , சொந்த மண்ணில் T- 20 உலகக்கிண்ணத்தை கைப்பற்றிய அணி என்ற பெருமையையும் இந்தியா தம்வசப்படுத்தியுள்ளது.
நியூசிலாந்துக்கு எதிராக அஹமதாபாத்தில் நடைபெற்ற போட்டியில் நாணய சுழற்சியில் வெற்றிபெற்ற நியூசிலாந்து முதலில் களத்தடுப்பை தீர்மானித்தது.
அதனடிப்படையில் முதலில் துடுப்பெடுத்தாடிய இந்திய அணி , 20 ஓவர்களில் 5 விக்கட்டுகளை இழந்து, 255 ஓட்டங்களைப் பெற்றுக்கொண்டது. சஞ்சு செம்சன் 46 பந்துகளில் 89 ஓட்டங்களையும், அபிஷேக் ஷர்மா, இஷன் கிஷன் ஆகியோர் அரைச்சதம் கடந்தனர்.
நியூசிலாந்து அணியின் பந்துவீச்சில் ஜேம்ஸ் நீசம் 3 விக்கட்டுகளை கைப்பற்றினார். 256 ஓட்டங்களை வெற்றியிலக்காக கொண்டு பதிலுக்கு துடுப்பெடுத்தாடியிருந்து நியூசிலாந்து அணி , 19 ஓவர்களில் சகல விக்கட்டுகளையும் இழந்து, 159 ஓட்டங்களையே பெற்றுக்கொண்டது.
டின் ஷெய்பிரிட் 52 ஓட்டங்களையும் , அணித்தலைவர் மிச்செல் ஷேன்ட்னர் 43 ஓட்டங்களையும் பெற்றுக்கொடுத்தனர். ஜஷ்பிரிட் பும்ரா 4 விக்கட்டுகளையும், அக்ஷார் பட்டேல் 3 விக்கட்டுகளையும் கைப்பற்றினர்.
போட்டியின் ஆட்டநாயகனாக பும்ராவும், தொடர் நாயகனாக சஞ்சு செம்சனும் தெரிவுசெய்யப்பட்டனர்.
கிண்ணத்தை கைப்பற்றிய இந்திய அணிக்கு 3 மில்லியன் டொலர் பணப்பரிசு வழங்கப்பட்டுள்ளது.
நியூசிலாந்து அணிக்கு 1.6 மில்லியன் டொலர்களும், அரையிறுதிப் போட்டியில் பங்கேற்ற ஒவ்வொரு அணிகளுக்கும் தலா 7 லட்சத்து 90 ஆயிரம் டொலர்களும், சுப்பர் 8 சுற்றுக்கு தகுதிபெற்ற ஒவ்வொரு அணிகளுக்கும் 3 லட்சத்து 80 ஆயிரம் டொலர்களும் கிடைக்கப்பெற்றுள்ளதோடு, குழுநிலை போட்டிகளில் பங்கேற்ற ஒவ்வொரு அணிக்கும் லட்சத்து 50 ஆயிரம் டொலர்களும் கிடைக்கப்பெற்றிருந்தமை குறிப்பிடத்தக்கது.









