தேசிய மின்சாரக் கட்டமைப்பின் ஸ்திரத்தன்மையைப் பேணவும், பாதுகாப்பை உறுதிப்படுத்தவும் 300 கிலோவாட் (kW) திறனுக்கும் அதிகமான பெரிய அளவிலான கூரைமீது நிறுவப்பட்ட சூரிய மின்சார அமைப்புகளை (Rooftop Solar Systems) தற்காலிகமாகச் செயலிழக்கச் செய்யுமாறு கோரப்பட்டுள்ளது.
விடுமுறை நாள்களின் காரணமாக நாடு தழுவிய அளவில் மின்சாரத்திற்கான தேவை கணிசமாகக் குறைந்துள்ளதால் இந் நடவடிக்கை எடுக்கப்பட்டுள்ளது.
இன்றுமுதல் எதிர்வரும் ஞாயிற்றுக்கிழமை வரை தினமும் காலை 8.00 மணி முதல் பிற்பகல் 3.00 மணி வரை கூரைமீது நிறுவப்பட்ட சூரிய மின்சார அமைப்புகளின் மின் உற்பத்தியை தற்காலிகமாக நிறுத்த வேண்டும்.
குறித்த உத்தரவை உரிய முறையில் பின்பற்றுமாறு உரியவர்களிடம் கோரப்பட்டுள்ளது.
