கல்விப் பொதுத்தராதர சாதாரண பரீட்சை மற்றும் கல்விப் பொதுத் தராதர உயர்தர பரீட்சைக்கு தோற்றும் மாணவர்களுக்கான தேசிய அடையாள அட்டைகளை வழங்கும் நடவடிக்கைகள் துரிதப்படுத்தப்பட்டுள்ளதாக ஆட்பதிவுத் திணைக்களம் தெரிவித்துள்ளது.
சாதாரண தர பரீட்சைக்கு தோற்றவுள்ள மாணவர்களுக்கு தேசிய அடையாள அட்டைகளை தயாரிப்பதற்கான விண்ணப்பங்களைச் சமர்ப்பிக்குமாறு கல்வி அமைச்சினூடாக அனைத்துப் பாடசாலைகளுக்கும் தெரிவிக்கப்பட்டுள்ளதாக ஆட்பதிவுத் திணைக்களத்தின் சிரேஸ்ட பணிப்பாளர் ஜகத் ஹெரத் குறிப்பிட்டுள்ளார்.
அதிபர்கள் விண்ணப்பங்களைத் தாமதமின்றி ஆட்கள் பதிவு திணைக்களத்திற்கு அனுப்ப நடவடிக்கை எடுக்க வேண்டுமெனவும் அவர் அறிவுறுத்தியுள்ளார்.
இதனிடையே எதிர்வரும் ஓகஸ்ட் மாதம் உயர்தர பரீட்சைக்கு தோற்றவுள்ள மற்றும் சாதாரண தர பரீட்சைக்கு விண்ணப்பித்து இன்னும் அடையாள அட்டைகளை பெற்றுக்கொள்ளாத மாணவர்கள், திணைக்களத்தின் இணையதளத்தில் உள்ள தொலைபேசி எண்கள் அல்லது மின்னஞ்சல் முகவரிகள் மூலம் உரிய துறைக்கு தெரிவித்து தங்கள் அடையாள அட்டைகளைப் பெற்றுக்கொள்ள முடியுமென ஆட்பதிவுத் திணைக்களத்தின் தலைமை பணிப்பாளர் ஜகத் ஹெரத் மேலும் தெரிவித்துள்ளார்.









