வெளிவிவகார,வெளிநாட்டு வேலைவாய்ப்பு மற்றும் சுற்றுலாத்துறை அமைச்சர் விஜித ஹேரத் பெலாரஸுக்கு உத்தியோகபூர்வ விஜயம் மேற்கொண்டார்.
பெலாரஸ் வெளியுறவு அமைச்சர் மாக்ஸிம் ரிஷென்கோவ் விடுத்த அழைப்பின் பேரில் குறித்த விஜயம் அமைந்துள்ளதாக வெளிவிவகார அமைச்சு குறிப்பிட்டுள்ளது.
இந்நிலையில், அமைச்சர் விஜித ஹேரத்தின் இவ்விஜயம் இரு நாடுகளுக்கும் இடையிலான உறவில் ஒரு மைல்கல்லாக அமையும் என வெளிவிவகார, வெளிநாட்டு வேலைவாய்ப்பு மற்றும் சுற்றுலாத்துறை அமைச்சு தெரிவித்துள்ளது.
அமைச்சர் விஜித ஹேரத் பெலாரஸின் தலைநகர் மின்ஸ்க்கில் அந்நாட்டு ஜனாதிபதி அலெக்சாண்டர் லுகாஷென்கோவை சந்திக்கவுள்ளதாகவும், அதனையடுத்து அந்நாட்டு வெளியுறவுத்துறை அமைச்சருடன் இரு தரப்பு பேச்சுவார்த்தையில் ஈடுபடுவுள்ளதாகவும் அமைச்சு தெரிவித்தது.
மேலும் பெலாரஸ் நாட்டின் கல்வி மற்றும் சுகாதார அமைச்சர்களையும் சந்தித்து கலந்துரையாடவுள்ளார். பெலாரஸின் தேசிய ஏற்றுமதி மையத்தினால் ஏற்பாடு செய்யப்பட்டுள்ள வர்த்தக மற்றும் சுற்றுலா வட்டமேசை மாநாட்டிலும் கலந்துகொண்டு அமைச்சர் விஜித்த ஹேரத் உரையாற்றவுள்ளமை குறிப்பிடத்தக்கது.
