பண்டிகைக் காலத்தில் சுற்றுப்பயணம் செல்வோர் தமது வீடுகளின் பாதுகாப்பு தொடர்பில் கூடுதல் கவனம் செலுத்தவேண்டுமென பொலிசார் அறிவுறுத்தியுள்ளனர்.
வீட்டிலிருந்து வெளியேறும் சந்தர்ப்பங்களில் அது குறித்து சமூக ஊடகங்களில் வெளிப்படையாக தகவல்களை பகிர வேண்டாமெனவும், வெளியிடங்களுக்குச் சென்று அங்கிருந்து புகைப்படங்களை சமூக ஊடகத்தில் பகிரும்போது அவதானத்துடன் இருக்க வேண்டுமெனவும் பொலிஸார் அறிவுறுத்தல் வழங்கியுள்ளனர்.
இவ்வாறு சுயதகவல்களை வெளிப்படையாக பகிர்வது கொள்ளை நடவடிக்கைகளுக்கு வழிவகுக்கும் வகையில் அமையக்கூடும்.
அத்தகைய பல சம்பவங்கள் நாட்டில் பதிவாகியுள்ளது.
எனவே குறித்த விடயம் தொடர்பில் மக்கள் கவனம் செலுத்த வேண்டுமென பொலிஸ் ஊடகப் பேச்சாளர் எப்.யூ.வுட்லர் தெரிவித்துள்ளார்.









