அரசுக்குரிய வர்த்தகம் சாரா நிறுவனங்கள் தொடர்பான பரிந்துரைகளை செயல்படுத்துவதை கண்காணிக்க நியமிக்கப்பட்ட குழுவுடன் ஜனாதிபதி அநுரகுமார திஸாநாயக்க பேச்சுவார்த்தைகளை முன்னெடுத்திருந்தார்.
கடந்த 2025ம் ஆண்டு மார்ச் 17ம் திகதி அன்று அமைச்சரவையினால் பெறப்பட்ட தீர்மானங்கள் செயல்படுத்துவதை கண்காணிக்க பிரதமரின் செயலாளர் தலைமையில் குறித் குழு நியமிக்கப்பட்டது.
9 பிரிவுகளின் கீழ் 124 அரசுக்குரிய வர்த்தகம் சாரா நிறுவனங்கள் தொடர்பாக அமைச்சரவை பல்வேறு முடிவுகளை எடுத்துள்ளது. அந்த நிறுவனங்கள் தற்போதைய தேவைகளுக்கு ஏற்ப புதுப்பிக்கப்படாமை, வழங்கப்பட்ட அதிகாரங்கள் போதுமானதாக இல்லாமை மற்றும்பொருந்தாமை, அந்த நிறுவனங்களுக்கு வழங்கப்பட்டுள்ள பணிகளை, தனியார் துறை மிகவும் செயற்திறனாகச் செய்தல் மற்றும் ஒரே மாதிரியான அல்லது ஒத்த செயல்பாடுகளைச் செய்யும் பல நிறுவனங்கள் இருத்தல் போன்ற காரணங்களினால் அரசுக்குரிய வர்த்தகம் சாரா நிறுவனங்கள் தொடர்பில் எதிர்கால நடவடிக்கை எடுப்பதே இதன் நோக்கமாகும்.
குழுவின் கண்காணிப்பின் அடிப்படையில் தற்போதைய நிலைமை, பரிந்துரைகளை செயல்படுத்துவதில் ஏற்படும் சிக்கல்கள் மற்றும் எடுக்க வேண்டிய எதிர்கால நடவடிக்கைகள் குறித்து கலந்துரையாடப்பட்டுள்ளது.









