கொட்டகலை லொக்கில் தோட்டப் பகுதியில் புதிய மர ஆலை அமைப்பதற்கு எதிர்ப்பு தெரிவித்து, தோட்டத் தொழிலாளர்கள் இன்று (06) போராட்டத்தில் ஈடுபட்டனர்.
மர ஆலை அமைக்கப்படவுள்ள கட்டுமானப் பகுதியில் ஒன்றுகூடிய தொழிலாளர்கள், பதாகைகளை ஏந்தியவாறு கோஷங்களை எழுப்பி தமது எதிர்ப்பை வெளிப்படுத்தினர்.
குறித்த பகுதிக்கு அருகில் கிறிஸ்தவ தேவாலயம், கோயில், தேயிலை கொழுந்து கொள்வனவு நிலையம் மற்றும் தோட்டத்திற்குச் செல்லும் பிரதான வீதி ஆகியவை அமைந்துள்ளதாக தொழிலாளர்கள் தெரிவித்துள்ளனர்.
மர ஆலை அமைக்கப்பட்டால் வழிபாடுகளுக்கு இடையூறு ஏற்படுவதுடன், சுற்றுச்சூழல் பாதிக்கப்படக்கூடும் எனவும் அவர்கள் சுட்டிக்காட்டியுள்ளனர்.
மேலும், மர ஆலை அமைப்பதற்கான ஆரம்பகட்ட பணிகள் முன்னெடுக்கப்பட்டு வருவதாகவும் தொழிலாளர்கள் தெரிவித்துள்ளனர்.
