கற்பிட்டி | செப்டம்பர் 04, 2026
கற்பிட்டி, பாளக்குடா பகுதியில் கற்பிணி பெண் ஒருவர் கூரிய ஆயுதத்தால் தாக்கப்பட்டு உயிரிழந்த சம்பவம் தொடர்பில் 36 வயதுடைய சந்தேகநபர் ஒருவர் கைது செய்யப்பட்டுள்ளார்.
சம்பவம் நேற்று (03) நண்பகல் இடம்பெற்றுள்ளதாக பொலிஸார் தெரிவித்துள்ளனர்.
கூரிய ஆயுதத்தால் தாக்கப்பட்டதில் படுகாயமடைந்த குறித்த பெண் உடனடியாக கல்பிட்டி வைத்தியசாலையில் அனுமதிக்கப்பட்டுள்ளார். எனினும், சிகிச்சை பலனின்றி அவர் உயிரிழந்துள்ளதாக பொலிஸார் தெரிவித்துள்ளனர்.
உயிரிழந்தவர் கற்பிட்டி, பாளக்குடா பகுதியைச் சேர்ந்த 26 வயதுடைய பெண் என அடையாளம் காணப்பட்டுள்ளார்.
பொலிஸாரின் ஆரம்பகட்ட விசாரணைகளின்படி, உயிரிழந்த பெண் தனது கணவரிடமிருந்து பிரிந்து வேறொரு நபருடன் வசித்து வந்ததாக தெரியவந்துள்ளது.
இந்நிலையில், குடும்பத் தகராறு ஒன்று ஏற்பட்டுள்ளதாகவும், தகராறு முற்றியதைத் தொடர்ந்து குறித்த பெண் கூரிய ஆயுதத்தால் தாக்கப்பட்டிருக்கலாம் எனவும் ஆரம்பகட்ட விசாரணைகளில் தெரியவந்துள்ளதாக பொலிஸார் தெரிவித்துள்ளனர்.
சம்பவத்துடன் தொடர்புடையதாகக் கூறப்படும் 36 வயதுடைய நபர் ஒருவரை பொலிஸார் கைது செய்துள்ளனர்.









