கொழும்பு | செப்டம்பர் 04, 2026
பாராளுமன்ற உறுப்பினரும் ஸ்ரீலங்கா பொதுஜன பெரமுனவின் தேசிய அமைப்பாளருமான நாமல் ராஜபக்ஷ, இலஞ்சம் அல்லது ஊழல் குற்றச்சாட்டுகளை விசாரிக்கும் ஆணைக்குழுவில் இன்று (04) காலை ஆஜராகியுள்ளார்.
இலஞ்சம் மற்றும் ஊழல் தடுப்பு ஆணைக்குழுவின் முன்னிலையில் காலை 9.00 மணிக்கு ஆஜராகுமாறு நாமல் ராஜபக்ஷவுக்கு எழுத்துமூலம் அறிவிக்கப்பட்டிருந்தது.
இந்த அழைப்பாணைக்கு இணங்குவதாக நாமல் ராஜபக்ஷவின் சட்டத்தரணி முதித ஆர். லொகுமுதலி முன்னதாகத் தெரிவித்திருந்தார். அதன்படி, நாமல் ராஜபக்ஷ இன்று ஆணைக்குழுவில் முன்னிலையாகியுள்ளார்.
நாமல் ராஜபக்ஷவை ஆணைக்குழு அழைத்ததற்கான காரணம் தொடர்பில் ஆரம்பத்தில் அதிகாரப்பூர்வமாக முழுமையான தகவல்கள் வெளியிடப்படவில்லை.









