ஜப்பான் – இலங்கை சர்வதேச நட்புறவு ஒத்துழைப்பு அமைப்பினால் வடமேல் மாகாண சுகாதார சேவைகள் திணைக்களத்திற்கு ரூ. 2 கோடிக்கும் அதிக பெறுமதியான 3 அம்பியூலன்ஸ்கள் வழங்கப்பட்டன.
நிகழ்வு வடமேல் மாகாண சுகாதார சேவைகள் திணைக்கள வளாகத்தில், வடமேல் மாகாண ஆளுநர் திஸ்ஸ வர்ணசூரிய, அரச நிர்வாகம், மாகாண சபைகள் மற்றும் உள்ளூராட்சி அமைச்சர் பேராசிரியர் சந்தன அபேரத்ன மற்றும் மகளிர் மற்றும் சிறுவர் விவகார பிரதி அமைச்சர் வைத்தியர் நாமல் சுதர்ஷன ஆகியோரின் தலைமையில் நடைபெற்றது.
வடமேல் மாகாணத்தில் சுமார் 150 சுகாதார நிறுவனங்கள் இயங்கி வருகின்றன. தற்போது அவசர நோயாளர் சேவைகளுக்காக 95 அம்பியூலன்ஸ்கள் பயன்படுத்தப்பட்டு வரும் நிலையில், அவற்றின் சேவைகளுக்கு மேலும் ஆதரவளிக்கும் வகையில் இந்த 3 அம்புலன்ஸ்களும் வழங்கப்பட்டுள்ளன.
இந்நிலையில் வழங்கப்பட்ட அம்பியூலன்ஸ்கள் – மாரவில, நிக்கவரெட்டிய மற்றும் தம்பதெனிய வைத்தியசாலைகளுக்கு வழங்கப்படவுள்ளன
