அமெரிக்காவில் தஞ்சம் கோரி விண்ணப்பித்துள்ள மற்றும் தற்போது வசித்து வரும் 2 லட்சம் வெளிநாட்டவர்களின் வணிக மற்றும் சுற்றுலா விசாக்களை ரத்து செய்ய அந்நாட்டு அரசாங்கம் தயாராகிவருவதாக சர்வதேச செய்திகள் தெரிவிக்கின்றன.
அமெரிக்க வரலாற்றில் ஒரே நேரத்தில் மேற்கொள்ளப்படும் பாரிய விசா ரத்து நடவடிக்கையாக இது அமையக்கூடுமென சுட்டிக்காட்டப்பட்டுள்ளது.
இந்தத் திட்டத்திற்கு எதிர்ப்பு தெரிவிக்கப்படாவிட்டாலோ அல்லது அது திருத்தப்படாவிட்டாலோ, எதிர்வரும் வாரங்களில் அமெரிக்க வெளிவிவகாரப்பிரிவு இந் நடவடிக்கையை அறிவிக்கும் என எதிர்பார்க்கப்படுகிறது.
விசா ரத்து செய்யப்பட்டாலும் உடனடியாக எவரும் நாடு கடத்தப்பட மாட்டார்கள்.
எனினும் வணிக அல்லது சுற்றுலாப் பயணி என்ற தகுதியை அவர்கள் இழப்பார்களென அமெரிக்க வெளிவிவகார செய்தித்தொடர்பாளர் தெரிவித்துள்ளார்.
