2026 சர்வதேச அமைதிக் குறியீட்டில் (Global Peace Index – GPI) இலங்கை 67-வது இடத்தைப் பிடித்துள்ளது.
Institute for Economics and Peace அமைப்பினால் கணிப்பீடுகள் மேற்கொள்ளப்பட்டுள்ளன. அதற்கமைய 1.91 புள்ளிகளைப் பெற்றுள்ள இலங்கை தெற்காசிய பிராந்தியத்தில் இரண்டாவது இடத்தில் உள்ளது.
தெற்காசிய வலயத்தில் மிக அமைதியான நாடாக பூட்டான் முதலிடத்திலும், சர்வதேச ரீதியில் 16ஆவது இடத்திலும் தரவரிசைப்படுத்தப்பட்டுள்ளது.
பொருளாதாரம் மற்றும் அமைதிக்கான நிறுவனம், நாடுகளுக்குள் நிலவும் பாதுகாப்பு,சமூக ஸ்திரத்தன்மை, உள்நாட்டு மற்றும் வெளிநாட்டு மோதல்களின் அளவுகள் உள்ளிட்ட பல காரணிகளைக் கருத்தில் கொண்டு இந்த குறியீடு தயாரிக்கப்பட்டுள்ளது.
சர்வதேச அமைதிக் குறியீட்டில் ஐஸ்லாந்து முதலிடத்தைப் பெற்றுள்ளதுடன், நியூசிலாந்து இரண்டாம் இடத்தையும், சுவிட்சர்லாந்து மூன்றாம் இடத்தையும் பெற்றுள்ளன.
163 நாடுகளுக்கு இடையே நடத்தப்பட்ட இந்த உலக அமைதிக் குறியீட்டில் ரஷ்யா கடைசி இடத்தைப் பெற்றுள்ளதுடன், சூடான் 162-வது இடத்தைப் பெற்றுள்ளதாகக் குறிப்பிடப்பட்டுள்ளது.
