தமிழக சட்டசபைத் தேர்தலுக்கான வாக்குப்பதிவு இன்று காலை 7 மணிக்கு ஆரம்பமானது.
பலத்த பாதுகாப்புடன் இடம்பெற்று வரும் வாக்குப்பதிவில் மக்கள் தமது ஜனநாயக கடமையை சிறப்புற நிறைவேற்றி வருவதாக இந்திய ஊடகங்கள் செய்தி வெளியிட்டுள்ளன.
தமிழகத்தில் உள்ள 234 சட்டமன்றத் தொகுதிகளுக்குமாக இடம்பெறும் தேர்தலில் சுமார் 5.67 கோடி வாக்காளர்கள் வாக்களிக்கத் தகுதி பெற்றுள்ளனர்.
முக்கிய அரசியல் கட்சிகளுக்கு இடையே கடும் போட்டி நிலவும் இந்தத் தேர்தலில்இ பதற்றமான வாக்குச் சாவடிகளில் கூடுதல் கண்காணிப்பு மற்றும் நேரடி ஒளிபரப்பு வசதிகள் செய்யப்பட்டுள்ளன.
தமிழக முதலமைச்சர் பதவிக்கான வேட்பாளர்களான தி.மு.க தலைவர் ஸ்டாலின் சென்னை கொளத்தூர் தொகுதியிலும், அ.தி.மு.க பொதுச்செயலாளர் பழனிசாமி , சேலம் எடப்பாடி தொகுதியிலும், புதிதாக களமிறங்கியுள்ள த.வெ.க தலைவர் விஜய் , திருச்சி, கிழக்கு மற்றும் பெரம்பூர் தொகுதிகளிலும், நாம் தமிழர் கட்சி தலைமை ஒருங்கிணைப்பாளரான சீமான் , காரைக்குடி தொகுதியிலும் போட்டியிடுகின்றமை குறிப்பிடத்தக்கது.
இன்று பதிவாகும் வாக்குகள் அனைத்தும் வரும் மே 4-ஆம் திகதி எண்ணப்பட்டுஇ அன்றைய தினமே புதிய அரசு அமைப்பதற்கான தேர்தல் முடிவுகள் அறிவிக்கப்பட உள்ளன.
