பங்களாதேஷ் முன்னாள் பிரதமர் ஷேக் ஹசீனா தலைமையிலான அவாமி லீக் கட்சியைத் தடைசெய்யும் சட்டத்தை அந்நாட்டு பாராளுமன்றம் நிறைவேற்றியுள்ளது.
ஏற்கனவே மொஹம்மட் யூனுஸ் தலைமையிலான இடைக்கால அரசாங்கம் வழங்கிய உத்தரவுக்கு அமைவாக, பயங்கரவாத எதிர்ப்பு திருத்த சட்டமூலம்– 2026 அந்நாட்டு பாராளுமன்றில் நிறைவேற்றப்பட்டது.
இதன் மூலம், அவாமி லீக் கட்சிக்கு விதிக்கப்பட்டிருந்த தடை, உத்தியோகபூர்வ சட்டமாக மாற்றப்பட்டுள்ளது.
குறித்த புதிய சட்டத்திற்கமைய அக்கட்சியின் அனைத்து அரசியல் நடவடிக்கைகளும் முழுமையாகத் தடைசெய்யப்பட்டுள்ளன.
அரசியல் கூட்டங்கள், போராட்டங்கள் நடத்துவது, தேர்தல்களில் பங்கேற்பது, சமூக ஊடகங்கள் மற்றும் தகவல் பரிமாற்ற தளங்களை பயன்படுத்துவது என அனைத்தும் சட்டப்பூர்வமாகத் தடை செய்யப்பட்டுள்ளன.
அத்துடன் அவாமி லீக் கட்சியுடன் தொடர்புடைய அறிவிப்புகள், செய்திகள் மற்றும் அதிகாரப்பூர்வ சமூக ஊடகப் பக்கங்களும் இயங்க அனுமதி மறுக்கப்பட்டுள்ளதாக சர்வதேச ஊடகங்கள் செய்தி வெளியிட்டுள்ளன.









