மத்திய கிழக்கில் நிலவிவரும் போர் சூழல் கட்டுப்பாட்டை மீறியுள்ளதாக ஐக்கிய நாடுகள் சபையின் பொதுச்செயலாளர் என்டோனியோ குட்டரெஸ் தெரிவித்துள்ளார்.
போரினால் ஏற்பட்டுள்ள உயிரிழப்புக்கள் மற்றும் பொருளாதார பாதிப்புக்களை கருத்திற்கொண்டு தாக்குதல்களை நிறுத்த வேண்டுமெனவும், யுத்தத்துடன் தொடர்புபடாத அயல்நாடுகள் மீது ஈரான் மேற்கொள்ளும் தாக்குதல்களை நிறுத்தவேண்டுமெனவும் குட்டரெஸ் தெரிவித்துள்ளார்.
யுத்த நடவடிக்கைகளை மேலும் தீவிரப்படுத்துவதற்கான நேரம் இதுவல்ல எனவும் , ராஜதந்திர ரீதியாக செயற்பட்டு, யுத்தத்தை முடிவுக்கு கொண்டுவர வேண்டுமெனவும் அவர் தெரிவித்துள்ளார்.
சர்வதேச சட்டங்களுக்கு மதிப்பளித்து பேச்சுவார்த்தை நடவடிக்கைகளை முன்னெடுக்க வேண்டுமெனவும் ஐநா பொதுச்செயலாளர் என்டோனியோ குட்டரெஸ் வலியுறுத்தியுள்ளார்.









