ஆட்பதிவுத் திணைக்களத்தில் இன்று (24) பொதுச் சேவைகளை தற்காலிகமாக நிறுத்திவைக்க நடவடிக்கை எடுக்கப்பட்டுள்ளது.
ஆட்பதிவுத் துறையின் தலைமை அலுவலகத்திலும் , அனைத்து அலுவலகங்களிலும் இன்று பொதுச் சேவைகளை பெற்றுக்கொள்ள முடியாதென திணைக்களம் அறிக்கையொன்றை வெளியிட்டுள்ளது.
ஆட்பதிவுத் திணைக்களத்தின் கணினி அமைப்பில் ஏற்பட்டுள்ள திடீர் கோளாறு காரணமாகவே இந்நடவடிக்கை எடுக்கப்பட்டுள்ளது.
அதற்கமைய இன்று செயல்படுத்தப்படவிருந்த அடையாள அட்டை வழங்கும் ஒரு நாள் சேவை உட்பட அனைத்து பொதுச் சேவைகளும் இயங்காதென ஆட்பதிவுத் திணைக்களம் தெரிவித்துள்ளது.
கணினி அமைப்பில் ஏற்பட்ட கோளாறை உடனடியாகச் சரிசெய்து, பொதுச் சேவைப் பணிகளை மீண்டும் தொடங்க துரித நடவடிக்கை எடுக்கப்பட்டுள்ளது.
பத்தரமுல்லையில் அமைந்துள்ள தலைமை அலுவலகம் மற்றும் ஏனைய அனைத்து பிராந்திய அலுவலகங்களிலும் சேவைகள் தற்காலிகமாக இடைநிறுத்தப்பட்டுள்ளன.
எனவேஇ தேவையற்ற வகையில் பொதுமக்கள் எவரும் தலைமை மற்றும் அனைத்து பிராந்திய அலுவலகங்களுக்கும் வருகைதர வேண்டாமென ஆட்பதிவுத் திணைக்களம் கோரிக்கை விடுத்துள்ளது.









