திரிபோஷா விநியோக செயற்பாடுகள் மீண்டும் ஆரம்பிக்கப்பட்டுள்ளதாக திரிபோஷா நிறுவனத்தின் தலைவர் அமல் அத்தநாயக்க தெரிவித்துள்ளார்.
இறக்குமதி செய்யப்பட்ட 250 மெட்ரிக் டொன் சோளத்தைப் பயன்படுத்தி தயாரிக்கப்பட்ட திரிபோஷா இருப்பு, ஏற்கனவே கொழும்பு, களுத்துறை மற்றும் கம்பஹா மாவட்டங்களிலுள்ள சுகாதார வைத்திய அதிகாரி அலுவலகங்களுக்கு அனுப்பப்பட்டுள்ளது.
மேலும் தெரிவுசெய்யப்பட்ட பல மாவட்டங்களில் திரிபோஷா விநியோகம் தொடங்கப்பட்டுள்ளதாக நிறுவனத்தின் தலைவர் உறுதிப்படுத்தியுள்ளார்.
இதனிடையே 6 மாதங்கள் முதல் 3 வயது வரையிலான குழந்தைகளுக்குத் தேவையான திரிபோஷாவை உற்பத்தி செய்வதற்கான மாற்று முறையாக , நெல் சந்தைப்படுத்தல் சபை மூலம் வெள்ளை பச்சரிசியைப் பெறுவது குறித்து கலந்துரையாடல்கள் மேற்கொள்ளப்பட்டுள்ளதாக திரிபோஷா நிறுவனத்தின் தலைவர் அமல் அத்தநாயக்க மேலும் தெரிவித்துள்ளார்.









