முன்னாள் ஜனாதிபதி மகிந்த ராஜபக்சவின் மனைவி ஷிரந்தி ராஜபக்சவை இன்று , நிதி குற்றப் புலனாய்வுப் பிரிவில் (FCID) முன்னிலையாகுமாறு அழைப்பு விடுக்கப்பட்டுள்ளது.
எனினும் தனிப்பட்ட காரணங்களுக்காக இன்று FCIDயில் முன்னிலையாக முடியாதெனவும், அதற்கென இரண்டு வார கால அவகாசம் கோரப்பட்டுள்ளதாகவும் தகவல்கள் வெளியாகியுள்ளன.
முன்னாள் ஜனாதிபதி மகிந்த ராஜபக்சவின் ஆட்சிக் காலத்தில் ‘சிரிலிய’ என்ற பெயரில் பராமரிக்கப்பட்ட வங்கிக் கணக்கு தொடர்பான நிதி முறைகேடுகள் தொடர்பான விசாரணைகளுக்காகவே அழைப்பாணை பிறப்பிக்கப்பட்டதாக நிதி மோசடி விசாரணைப் பிரிவு தெரிவித்துள்ளது.
குறித்த விடயம் தொடர்பில் ‘நல்லாட்சி’ அரசாங்கத்தில் முறையாக விசாரணைகள் தொடங்கப்பட்டன.
இதேவேளை ரீலங்கா பொதுஜன பெரமுனவின் தேசிய அமைப்பாளரும் > பாராளுமன்ற உறுப்பினருமான நாமல் ராஜபக்சவுக்கும் நேற்றையதினம் குற்றப் புலனாய்வு திணைக்களத்தில் முன்னிலையாகுமாறு அறிவிக்கப்பட்டது.
நாமல் ராஜபக்ச இந்தியாவிற்கு உத்தியோகபூர்வ விஜயம் மேற்கொண்டுள்ள நிலையில், நேற்று காலை இந்த அறிவிப்பு வெளியிடப்பட்டதாக ஸ்ரீலங்கா பொதுஜன பெரமுனவின் பொதுச் செயலாளர் சாகர காரியவசம் தெரிவித்தார்.









