இலங்கையின் பொருளாதார சீர்திருத்த வேலைத்திட்டத்தின் அடுத்த கட்ட மதிப்பாய்வுக்காக சர்வதேச நாணய நிதியத்தின் (IMF) அதிகாரிகள் குழு இன்று (10) இலங்கை வரவுள்ளது.
IMF குழு எதிர்வரும் 23ஆம் திகதி வரை நாட்டில் தங்கியிருந்து அரசாங்க அதிகாரிகளுடன் பேச்சுவார்த்தைகளை முன்னெடுக்கவுள்ளது.
IMF-ன் நீடிக்கப்பட்ட நிதி வசதியின் கீழ் இலங்கையின் சீர்திருத்த வேலைத்திட்டத்தின் ஒருங்கிணைந்த 7ஆவது மதிப்பாய்வு மற்றும் 2026ஆம் ஆண்டுக்கான Article IV ஆலோசனைகள் ஆகியவை இந்தப் பேச்சுவார்த்தைகளில் முக்கிய கவனம் பெறவுள்ளதாக இலங்கைக்கான IMF தூதுக்குழுத் தலைவர் இவான் பாப்பஜோர்ஜியோ தெரிவித்துள்ளார்.
இதன்போது பொருளாதார சீர்திருத்தங்களை நடைமுறைப்படுத்துவதில் இலங்கையின் முன்னேற்றம், பேரண்ட பொருளாதாரத்தின் சமீபத்திய நிலை மற்றும் பொருளாதார மீட்சியை வலுப்படுத்துவதற்கான நடவடிக்கைகள் குறித்து விரிவாக மதிப்பாய்வு செய்யப்படவுள்ளன.
செப்டெம்பர் 23ஆம் திகதி நிறைவடையும் இந்த விஜயத்தின் முடிவில் IMF தனது அறிக்கையை வெளியிடும் என எதிர்பார்க்கப்படுகிறது.
IMF திட்டத்தின் கீழ் இதுவரை இலங்கைக்கு வழங்கப்பட்டுள்ள மொத்த நிதி ஆதரவு சுமார் 2.4 பில்லியன் அமெரிக்க டொலர்களாகும்.









