ரஷ்யாவின் வட காகசஸ் பிராந்தியத்திலுள்ள மிஷிர்ஹி மலையில் ஏற்பட்ட பனிச்சரிவில் சிக்குண்டு மலையேற்றத்தில் ஈடுபட்டிருந்த 11 பேர் உயிரிழந்துள்ளனர்.
குறித்த எதிர்பாராத விபத்தில் 6 பேர் காயமடைந்துள்ளதுடன் மேலும் 6 பேர் காணாமல்போயுள்ளதாக ரஷ்யாவின் அவசர கால மீட்புப் படையினர் தெரிவித்துள்ளனர்.
33 பேர் அடங்கிய மலையேற்ற வீரர்கள் குழு மிஷிர்ஹி மலையில் ஏறிக்கொண்டிருந்த போதே, எதிர்பாராதவிதமாக குறித்த பனிச்சரிவு ஏற்பட்டுள்ளது.
பனிச்சரிவில் சிக்கியவர்களில் 16 பேர் பாதுகாப்பாக மீட்கப்பட்டுள்ளதாகவும் தகவல்கள் வெளியாகியுள்ளன.
காணாமல் போன 6 பேரை தேடும் நோக்கிலான மீட்புப் பணிகளில் 50 க்கும் மேற்பட்ட மீட்புக் குழுவினர் ஹெலிகொப்டர்களில் சம்பவ இடத்திற்கு அனுப்பி வைக்கப்பட்டுள்ளனர்.
மோசமான காலநிலை மற்றும் மீண்டும் பனிச்சரிவு ஏற்படும் அபாயம் காரணமாக தேடுதல் நடவடிக்கைகள் கடினமாக அமைந்துள்ளதாக மீட்புக் குழுவினர் தெரிவித்துள்ளதாக அந்நாட்டு ஊடகங்கள் தெரிவித்துள்ளன.
