நுவரெலியா கிரகரி வாவியில் சுற்றுலாப் பயணிகளை ஏற்றிச்சென்ற படகொன்று இன்று (19) விபத்துக்குள்ளாகியுள்ளது.
கிரகரி வாவியில் நீர் விளையாட்டுக்களில் ஈடுபட்டபடகொன்று வேகமாக பயணித்த நிலையில்இ நீரில் ஏற்பட்ட திடீர் அழுத்தம் காரணமாக அருகாமையில் பயணித்த மற்றுமொரு படகு விபத்துக்குள்ளானது.
இந்நிலையில் உடனடியாக செயற்பட்ட நுவரெலியா பொலிஸ் உயிர்காப்புப் பிரிவினர் நீரில் தத்தளித்தவர்களை மீட்டுள்ளனர்.எவருக்கும் உயிராபத்து எதுவும் ஏற்படவில்லையெனவும் சிறியளவான காயங்களுடன் அவர்கள் மீட்கப்பட்டதாகவும் நுவரெலியா பொலிஸார் தெரிவித்துள்ளனர்.
சம்பவம் தொடர்பில் அதிவேகத்தில் படகுகளை இயக்கிய இருவரை பொலிஸார் கைதுசெய்துள்ளனர்.
சந்தேகநபர்களை நாளைய தினம் (20) நுவரெலியா மாவட்ட நீதிமன்றத்தில் ஆஜர்படுத்த நடவடிக்கை எடுக்கப்பட்டுள்ளது.
