பாடசாலை மாணவர்களிடையே ஒழுக்கத்தைப் பேணுவது தொடர்பாக கல்வியமைச்சு புதிய சுற்றறிக்கையொன்றை வெளியிட்டுள்ளது.
குறித்த சுற்றறிக்கை, அனைத்து மாகாண கல்விப் பணிப்பாளர்கள், கோட்ட மட்ட பணிப்பாளர்கள், உதவிக் கல்வி பணிப்பாளர்கள், அதிபர்கள் உட்பட உரிய அனைத்து தரப்பினருக்கும் வழங்கப்பட்டுள்ளதாக தெரிவிக்கப்பட்டுள்ளது.
பாடசாலைகளில் ஒழுக்கத்தைப் பேணுவது தொடர்பாக கல்வி அமைச்சால், இதற்கு முன்னர் வெளியிடப்பட்ட, 2016 ஏப்ரல் 29 திகதியிடப்பட்ட சுற்றறிக்கையில் உள்ள அறிவுறுத்தல்களுக்குக் மேலதிகமாக, புதிய சுற்றறிக்கையில் உள்ள விதிமுறைகளும் இனி நடைமுறைப்படுத்தப்பட வேண்டுமென அறிவுறுத்தப்பட்டுள்ளது.
அதற்கமைய தண்டனையாக அல்லது வேறு எந்த காரணத்திற்காகவும் எந்தவொரு மாணவரும் உடல் ரீதியாகவோ அல்லது மன ரீதியாகவோ துன்புறுத்தப்படக்கூடாது. எந்த நிலையிலும் எந்தவிதமான உடல்ரீதியான தண்டனையும் வழங்கப்படக்கூடாது.
தவறு செய்பவர்கள் சட்டப்படி தண்டிக்கப்படுவார்கள் என உயர் நீதிமன்றத் தீர்ப்பின் ஒரு பகுதியை மேற்கோள்காட்டி சுற்றறிக்கை வெளியிடப்பட்டுள்ளது.
இதேவேளை பாடசாலை மாணவர்களிடையே ஒழுக்கத்தைப் பேணுவது தொடர்பான விஷயங்களைக் கையாளும்போது, உயர் நீதிமன்றத் தீர்ப்பில் குறிப்பிடப்பட்டுள்ள விடயங்களுக்குச் சிறப்புக் கவனம் செலுத்தப்பட வேண்டுமென சுற்றறிக்கையில் வலியுறுத்தப்பட்டுள்ளது









