2026ம் ஆண்டின் முதல் சூரிய கிரகணமான அபூர்வ நெருப்பு வளைய சூரிய கிரகணம் நாளை நிகழவுள்ளது.
சூரிய கிரகணத்தின் பாதையானது பிரதானமாக அண்டார்டிகா மற்றும் தெற்கு அரைக்கோளப் பகுதிகளைக் கடந்து செல்வதால், இதனை இலங்கையில் காண முடியாது என வானியல் ஆய்வாளர்கள் தெரிவித்துள்ளனர்.
நாளை மதியம் சுமார் 3:26 மணிக்குத் தொடங்கும் கிரகணம், இரவு 7:57 மணி வரை நீடிக்கும் எனத் தெரிவிக்கப்படுகின்றது.
சந்திரன் பூமிக்கு வெகு தொலைவிலிருந்து சூரியனை மறைக்கும்போது, சூரியனின் விளிம்புகள் மட்டும் பிரகாசமான மோதிரம் அல்லது நெருப்பு வளையம் போலக் காட்சியளிப்பதே இதன் சிறப்பம்சமாகும்.
அண்டார்டிகாவில் முழுமையாகத் தெரியும் இந்த கிரகணத்தை தென்னாப்பிரிக்கா, சிம்பாப்வே, தான்சானியா, நமீபியா மற்றும் மொரிஷியஸ் போன்ற நாடுகளில் பகுதி நேரக் கிரகணமாக காண முடியும்.









