பங்களாதேஸில் பலத்த பாதுகாப்புக்கு மத்தியில் பொதுத்தேர்தல் வாக்களிப்பு நடவடிக்கைகள் ஆரம்பமாகியுள்ளன.
அந்நாட்டு இளைஞர்கள் முன்னெடுத்த புரட்சியையடுத்து சுமார் 15 ஆண்டுகால ஷேக் ஹசீனாவின் ஆட்சி முடிவுக்கு வந்த நிலையில், புதிய அரசாங்கத்தை தெரிவுசெய்வதற்கான பொதுத்தேர்தல் தற்போது ஆரம்பமாகியுள்ளது.
முன்னாள் பிரதமர் கலிதா ஜியாவின் பங்களாதேஷ் தேசியவாத கட்சி மற்றும் ஷபிகுர் ரஹ்மான் தலைமையிலான ஜமாத்-இ-இஸ்லாமி ஆகிய கட்சிகளுக்கிடையே கடும் போட்டி நிலவுவதாக செய்திகள் வெளியாகியுள்ளன.
இன்று காலை 7.30 மணிக்கு ஆரம்பமான வாக்குப்பதிவு , மாலை 4.30 வரை நடைபெறும்.
முடிவுகள் நாளை அறிவிக்கப்படுமென பங்களாதேஸ் ஊடகங்கள் செய்தி வெளியிட்டுள்ளன.









