டித்வா சூறாவளியால் ஏற்பட்ட அனர்த்தம் காரணமாக பாதிக்கப்பட்ட மக்களின் வாழ்க்கையை மீட்டெடுக்க வெளியிடப்பட்ட சுற்றறிக்கைக்கு இணைவாக பாதிக்கப்பட்ட தனிநபர், சிறு மற்றும் நுண் வர்த்த நிறுவனங்களுக்கு நிவாரணம் வழங்கும் நோக்கில் நிதி, திட்டமிடல் மற்றும் பொருளாதார அபிவிருத்தி அமைச்சினால் புதிய சுற்றறிக்கை வெளியிடப்பட்டுள்ளது.
பாதிக்கப்பட்ட தனிநபர், சிறு மற்றும் நுண் வர்த்தகங்களுக்கு நிவாரணம், அனர்த்தத்தால் பாதிக்கப்பட்டு தடைப்பட்ட வர்த்தகங்களை மீண்டும் ஆரம்பிப்பதற்கு ஏற்றவகையில் ஒரு முறை மாத்திரம் வழங்கப்படும் கொடுப்பனவு, கைத்தொழில் அமைச்சில் பதிவு செய்யப்பட்ட தனிநபர், சிறு மற்றும் நுண் வர்த்தகத்திற்கு 2 இலட்சம் ரூபா, பிரதேச செயலகத்தில் வர்த்தகமாகப் பதிவு செய்யப்பட்ட தனிநபர், சிறு மற்றும் நுண் வர்த்தகத்திற்கு 2 இலட்சம் ரூபா, நிரந்தர கட்டிடங்களில் முன்னெடுக்கப்படும், பதிவு செய்யப்படாத வர்த்தகத்திற்கு 50 ஆயிரம் ரூபா உள்ளிட்ட பல்வேறு நிவாரணங்கள் புதிய சுற்றறிக்கை அறிவிக்கப்பட்டுள்ளன.
வர்த்தக மீட்பு முதலீட்டுக் கடனாக பாதிக்கப்பட்ட தொழில் முயற்சியாளர்களுக்கு, 25 மில்லியன் ரூபா வரை 5 % வட்டியில் 12 மாத சலுகைக் காலத்துடன் 10 ஆண்டுகளில் திருப்பிச் செலுத்தக் கூடிய வகையில் வங்கி கடன்களைப் பெற தேவையான ஏற்பாடுகளும் முன்னெடுக்கப்பட்டுள்ளன.









