கலிபோர்னியாவில் நடைபெற்ற Apple நிறுவனத்தின் 2026 சிறப்பு நிகழ்வில், நிறுவனத்தின் முதல் மடிக்கக்கூடிய ஸ்மார்ட்போனான iPhone Duo அதிகாரப்பூர்வமாக அறிமுகப்படுத்தப்பட்டுள்ளது. இதனுடன் iPhone 18 Pro, iPhone 18 Pro Max, Apple Watch Series 12, Apple Watch Ultra 4 மற்றும் AirPods 5 உள்ளிட்ட புதிய சாதனங்களும் அறிமுகப்படுத்தப்பட்டுள்ளன.
Apple-ன் முதல் foldable iPhone ஆன Duo திறக்கப்பட்ட நிலையில் 7.6 அங்குல உள் திரையையும், மூடிய நிலையில் 5.4 அங்குல வெளிப்புற திரையையும் கொண்டுள்ளது. திறக்கும்போது உள்ளடக்கம் பார்ப்பது, கேமிங் மற்றும் ஒரே நேரத்தில் பல செயலிகளைப் பயன்படுத்துவது போன்றவற்றுக்கு பெரிய திரை வசதியை வழங்குகிறது.
இந்த சாதனத்தில் புதிய A20 Pro chip, மேம்பட்ட வெப்பக் கட்டுப்பாட்டு அமைப்பு மற்றும் இரட்டை battery architecture பயன்படுத்தப்பட்டுள்ளது. மேலும் Apple Pencil ஆதரவும் வழங்கப்பட்டுள்ளது.
iPhone Duo-வின் ஆரம்ப விலை US$1,999 என அறிவிக்கப்பட்டுள்ளது. இதன் முன்பதிவு ஒக்டோபர் மாதத்தில் தொடங்கி, விற்பனை ஒக்டோபர் 23 முதல் ஆரம்பமாகும் என தெரிவிக்கப்பட்டுள்ளது.
iPhone 18 Pro மற்றும் Pro Max
Apple புதிய iPhone 18 Pro மற்றும் iPhone 18 Pro Max மாடல்களையும் அறிமுகப்படுத்தியுள்ளது. இவை புதிய A20 Pro chip மற்றும் மேம்படுத்தப்பட்ட camera system-ஐ கொண்டுள்ளன.
இரு மொடல்களிலும் 48MP Fusion Main camera வழங்கப்பட்டுள்ளதுடன், முதல் முறையாக variable aperture தொழில்நுட்பம் அறிமுகப்படுத்தப்பட்டுள்ளது. இதன் மூலம் புகைப்படம் மற்றும் வீடியோ எடுப்பதில் வெளிச்சம் மற்றும் depth தொடர்பான கட்டுப்பாடுகளை பயனர்கள் அதிகமாகப் பெற முடியும்.
மேலும், iPhone 18 Pro Max மாடலில் iPhone வரலாற்றிலேயே குறிப்பிடத்தக்க battery-life மேம்பாடு வழங்கப்பட்டுள்ளதாக Apple தெரிவித்துள்ளது. புதிய Dynamic Island வடிவமைப்பு மற்றும் iOS 27 உடன் Siri AI மற்றும் Apple Intelligence வசதிகளும் இடம்பெற்றுள்ளன.
iPhone 18 Pro ஆரம்ப விலை US$1,199, Pro Max ஆரம்ப விலை US$1,299 என அறிவிக்கப்பட்டுள்ளது. முன்பதிவு செப்டம்பர் 12 முதல் ஆரம்பமாகி, விற்பனை செப்டம்பர் 18 முதல் தொடங்கும்.
புதிய Apple Watch Series 12 மற்றும் Ultra 4
Apple Watch வரிசையிலும் புதிய மாற்றங்கள் செய்யப்பட்டுள்ளன . Apple Watch Series 12 மற்றும் Apple Watch Ultra 4 ஆகியவை புதிய S11 chip மற்றும் மேம்படுத்தப்பட்ட health sensors உடன் அறிமுகப்படுத்தப்பட்டுள்ளன.
இதில் இதயத் துடிப்பு கண்காணிப்பு, உடல்நிலை மற்றும் readiness தொடர்பான புதிய தகவல்கள், Apple Intelligence சார்ந்த health insights மற்றும் Siri Recap போன்ற புதிய AI வசதிகள் அறிமுகப்படுத்தப்பட்டுள்ளன.
Apple Watch Series 12 ஆரம்ப விலை US$399 ஆகவும், Watch Ultra 4 ஆரம்ப விலை US$799 ஆகவும் அறிவிக்கப்பட்டுள்ளது.
AirPods 5-லும் புதிய வசதிகள்
புதிய AirPods 5 மாடலிலும் முக்கியமான மாற்றங்கள் செய்யப்பட்டுள்ளன. முதன்முறையாக entry-level AirPods வரிசையில் Active Noise Cancellation (ANC) வசதி அறிமுகப்படுத்தப்பட்டுள்ளது.
மேலும், புதிய மாடல்களில் Adaptive Audio உள்ளிட்ட வசதிகள் வழங்கப்பட்டுள்ளன. AirPods 5-ன் ஆரம்ப விலை US$129 என அறிவிக்கப்பட்டுள்ளது.
AI-க்கு அதிக முக்கியத்துவம்
இந்த முறை Apple வெளியிட்ட சாதனங்களில் hardware மேம்பாடுகளுடன் Artificial Intelligence வசதிகளுக்கும் அதிக முக்கியத்துவம் வழங்கப்பட்டுள்ளது. iPhone 18 Pro வரிசையில் Apple Intelligence மற்றும் புதிய Siri AI வசதிகள் அறிமுகப்படுத்தப்பட்டுள்ளதுடன், பயனர்களின் தனியுரிமையை கருத்தில் கொண்டு on-device processing-க்கு முக்கியத்துவம் அளிக்கப்படுவதாக Apple தெரிவித்துள்ளது.
