2027 ஆம் ஆண்டிற்கான துப்பாக்கி உரிமங்களை புதுப்பிக்கும் நடவடிக்கைகள் இன்றுமுதல் ஆரம்பமாகியுள்ளதாக பாதுகாப்பு அமைச்சு அறிவித்துள்ளது.
துப்பாக்கி உரிமங்களைக் கொண்டுள்ள அனைத்து தனிநபர்களும் , நிறுவனங்களும் எதிர்வரும் டிசம்பர் 31 ஆம் திகதிக்கு முன்னர் தமது உரிமங்களைப் புதுப்பிப்பது கட்டாயமென பாதுகாப்பு அமைச்சு குறிப்பிட்டிருந்தது.
அதற்கமைய செல்லுபடியாகும் உரிமைப்பத்திரமின்றி துப்பாக்கியை வைத்திருப்பது, துப்பாக்கிகள் கட்டளைச் சட்டத்தின் 22வது பிரிவின் விதிகளுக்கு அமைய குற்றமாகும் என அமைச்சு எச்சரித்துள்ளது.
எனவே குறிப்பிட்ட காலப்பகுதிக்குள் உரிமங்களைப் புதுப்பிக்கத் தவறும் துப்பாக்கி உரிமையாளர்களுக்கு எதிராக சட்ட நடவடிக்கை எடுக்கப்படுமென பாதுகாப்பு அமைச்சு அறிவித்துள்ளது.
