இந்திய தலைநகர் புதுடில்லியில் இவ்வருடத்தின் முதல் 15 நாட்களுக்குள் காணாமல் போனவர்கள் தொடர்பான புள்ளிவிபர தரவுகளை டெல்லி பொலிசார் வெளியிட்டுள்ளனர்.
அதனடிப்படையில் இவ்வருடத்தின் முதல் 15 நாட்களில் 191 சிறுவர்கள், 509 பெண்கள் உட்பட 807 பேர் காணாமல் போயுள்ளதாக அதிர்ச்சிகர தகவல் வெளியாகியுள்ளதாக இந்திய ஊடகங்கள் செய்தி வெளியிட்டுள்ளன.
காணாமல் போனவர்களில் 181 பேர் மாத்திரமே கண்டுபிடிக்கப்பட்டுள்ள நிலையில், ஏனையவர்களை தேடும் நடவடிக்கைகள் முன்னெடுக்கப்பட்டுள்ளதாகவும் டெல்லி பொலிஸ் தரப்பு தெரிவித்துள்ளது.
சிறுவர்கள் மற்றும் பெண்களின் கடத்தல் சம்பவங்கள் டெல்லியில் அதிகரித்துள்ளதாக மனித உரிமை அமைப்புக்கள் சுட்டிக்காட்டியுள்ளமை குறிப்பிடத்தக்கது.









