பின்தங்கிய குடும்பங்களை சேர்ந்த பாடசாலை மாணவர்களுக்கான கற்றல் உபகரணங்களை பெற்றுக்கொள்வதற்காக வழங்கப்படும் 6000 ரூபாய் உதவித்தொகை வங்கியில் வைப்பிலிடப்பட்டுள்ளதாக நிதி அமைச்சு அறிவித்துள்ளது.
மாணவர்களின் பெற்றோர்கள் இன்று முதல் குறித்த உதவித்தொகையை பெற்றுக்கொள்ள முடியுமென நிதி மற்றும் திட்டமிடல் பிரதி அமைச்சர் அனில் ஜெயந்த பெர்னாண்டோ தெரிவித்துள்ளார்.
இதேவேளை பாடசாலை மாணவர்களுக்கு காலணிகள் வாங்குவதற்கான வவுச்சர்கள் விநியோகம் மற்றும் பின்தங்கிய குடும்பங்களைச் சேர்ந்த மாணவர்களுக்கு பாடசாலை பொருட்களை வாங்குவதற்கான ரூ.6000 உதவித்தொகையை பெப்ரவரி 5 ம் திகதிக்குள் அரசாங்கம் வழங்கி நிறைவு செய்யுமென கல்வியமைச்சு தெரிவித்துள்ளது.









