ஊழியர் சேமலாப நிதியத்தின் சேவைகளை டிஜிட்டல் மயமாக்கும் திட்டத்தின் கீழ், நிறுவனங்கள் மற்றும் உறுப்பினர்களை இணையவழியில் (online) பதிவு செய்யும் திட்டம் இன்று ஆரம்பிக்கப்படவுள்ளது.
அதற்கமைய, இன்று முதல் சேவைகள் இணையவழியில் முன்னெடுக்கப்படுமென தொழிலாளர் திணைக்களம் குறிப்பிட்டுள்ளது.
திட்டத்தின் அங்குரார்ப்பண நிகழ்வு இன்று காலை இடம்பெற்ற நிலையில், தொழிலாளர் அமைச்சர் கலாநிதி அனில் ஜயந்த பெர்னாண்டோஇ தொழிலாளர் பிரதி அமைச்சர் மஹிந்த ஜயசிங்க, தொழிலாளர் அமைச்சின் செயலாளர் எஸ்.எம். பியதிஸ்ஸ உள்ளிட்ட பலர் கலந்துகொண்டனர்.
இதன் மூலம் உறுப்பினர்கள் இனி டிஜிட்டல் முறையில் தங்களை எளிதாகப் பதிவு செய்துகொள்ளும் வசதி உருவாக்கப்பட்டுள்ளது.
நவீன தொழில்நுட்பத்தைப் பயன்படுத்தி ஊழியர்களின் நலன்களை மேம்படுத்துவதே திட்டத்தின் முக்கிய நோக்கமாகும்.









