நாட்டின் 11 மாவட்டங்களுக்கு வெப்பநிலையானது, எச்சரிக்கை நிலையில் காணப்படுவதாக அறிவுறுத்தல் விடுக்கப்பட்டுள்ளது.
வடக்கு, வடமத்திய, கிழக்கு மாகாணங்கள் மற்றும் மொனராகலை மாவட்டம் உள்ளிட்ட பகுதிகளில் நாளைய தினம் கடுமையான வெப்பம் நிலவுமென வானிலை ஆய்வு மையம் எச்சரிக்கையை விடுத்துள்ளது.
அதற்கமைய பகல்வேளையில் சில இடங்களில் மனித உடல் உணரக்கூடிய வெப்பக் சுட்டெண் எச்சரிக்கை மட்டத்திற்கு அதிகரிக்கக்கூடும்.
எனவே பொதுமக்கள் தம்மை பாதுகாத்துக்கொள்வதற்கான உரிய வழிமுறைகளை பின்பற்ற வேண்டும்.
மக்களுக்கு போதியளவு நீரை அருந்துமாறும், இயலுமானவரை நேரடி சூரிய ஒளியில் நீண்ட நேரம் இருப்பதைத் தவிர்த்துக்கொள்ளுமாறும், தீவிரமான வெளிப்புற நடவடிக்கைகளைக் கட்டுப்படுத்துமாறும் அறிவுறுத்தப்பட்டுள்ளது.









