உலகளாவிய ரீதியில் குறைந்தளவு ஊதியம் பெறும் நாடுகளிடையே ஒப்பீட்டளவில் மேற்கொள்ளப்பட்ட கணக்கெடுப்பில் இலங்கை 120 ஆவது இடத்தில் தரப்படுத்தப்பட்டுள்ளது. மொத்தமாக 130 நாடுகளிடையே கணக்கெடுப்பு நடத்தப்பட்டது.
வாழ்க்கைச் செலவு மற்றும் தொழிலாளர்களின் கொள்வனவு திறனைக் கருத்திற்கொண்டு கணக்கிடப்பட்ட இந்தத் தரவு அடிப்படையில் இலங்கையின் குறைந்தபட்ச ஊதியத்தின் கொள்வனவுத் திறன் 200 அமெரிக்க டொலர்களாகக் குறிப்பிடப்பட்டுள்ளது.
சுவிட்சர்லாந்து (3,804 டொலர்
ஜெர்மனி (2,928 டொலர்)
ஐக்கிய இராச்சியம் (2,902 டொலர்)
நெதர்லாந்து (2,876 டொலர்) ஆகிய நாடுகள் முதல் இடங்களிலும் உள்ளன.
ஆசியாவில் தென் கொரியா (2,362 டொலர்) 11ஆவது இடத்தையும்,
ஜப்பான் (1,839 டொலர்) 16ஆவது இடத்தையும் பிடித்துள்ளன.
தெற்காசிய நாடுகளுடன் ஒப்பிடும்போது பாகிஸ்தான் (68 வது இடம் – 570 டொலர்)
நேபாளம் (78 வது இடம் – 490 டொலர்)
பங்களாதேஷ் (89 வது இடம் – 379 டொலர்)
இந்தியா (111 வது இடம் – 233 டொலர்) இலங்கையை விட முன்னிலையில் உள்ளன.
இலங்கைக்குக் கீழே நைஜர், பூட்டான், கானா போன்ற வெறும் 10 நாடுகள் மட்டுமே உள்ளன.
இந்த மதிப்பீடுகள் நேரடி அமெரிக்க டொலர் வருமானத்தின் அடிப்படையில் அல்லாமல், அந்தந்த நாடுகளின் உள்நாட்டு கொள்வனவு திறனின் அடிப்படையில் கணக்கிடப்பட்டுள்ளதாக குறிப்பிட்டுள்ளது.
