நோர்வுட் பொலிஸ் நிலையம் மற்றும் தர்மராஜ விகாரைக்கு அருகில் மிகவும் ஆபத்தான நிலையில் இரண்டு டர்பன்டைன் மரங்கள் காணப்படுகின்றன. அவற்றை உடனடியாக அகற்ற நடவடிக்கை எடுக்குமாறு அப்பகுதி மக்கள் சம்பந்தப்பட்ட அதிகாரிகளிடம் தொடர்ந்தும் கோரிக்கை விடுத்து வருகின்றனர்.
குறித்த மரங்கள் மிகவும் பெரியதாக வளர்ந்துள்ளதுடன், அவற்றில் ஏதேனும் ஒரு மரம் முறிந்து விழுந்தால் நோர்வுட் பொலிஸ் நிலையம், தர்மராஜ விகாரை மற்றும் அருகிலுள்ள ஆரம்பக் குழந்தைப் பருவ அபிவிருத்தி நிலையம் ஆகியவற்றிற்கு கடுமையான சேதம் ஏற்படும் அபாயம் காணப்படுகின்றது.
அத்துடன் பொகவந்தலாவை – நோர்வுட் பிரதான வீதியும் அவ்விடத்திலேயே காணப்படும் நிலையில் மரங்கள் முறிந்து விழுந்தால் அந்த வீதியின் போக்குவரத்திற்கும் பாதிக்கப்படும்.
இந்த மரங்களை வெட்டி அகற்றுமாறு இரண்டு ஆண்டுகளுக்கு முன்னரே கோரிக்கைகள் விடுக்கப்பட்ட போதிலும்இ இதுவரை தேவையான நடவடிக்கைகள் எடுக்கப்படவில்லை என மக்கள் விசனம் தெரிவிக்கின்றனர்.
எனவே ஏதேனும் அசம்பாவிதம் ஏற்படுவதற்கு முன்னர், பொறுப்பான அதிகாரிகள் உடனடியாக தலையிட்டு இந்த ஆபத்தான மரங்களை அகற்ற நடவடிக்கை எடுக்க வேண்டும் என பொதுமக்கள் கோரிக்கை விடுத்துள்ளனர்.









