ஒருத்தொகை குஷ் ரக போதைப்பொருளுடன் வெளிநாட்டவர்கள் இருவர் கட்டுநாயக்க சர்வதேச விமான நிலையத்தில் வைத்து இன்று (20) அதிகாலை கைது செய்யப்பட்டுள்ளனர். குறித்த இருவரும் இந்தோனேசியாவை சேர்ந்த 22 மற்றும் 30 வயதுடையவர்ளெனவும் தெரியவந்துள்ளது.
இரண்டு பயணப் பொதிகளில் 5 பொதிகளாக மறைத்து வைக்கப்பட்டிருந்த 5 கிலோ மற்றும் 401 கிராம் நிறைகொண்ட குஷ் ரக போதைப்பொருளே கைப்பற்றப்பட்டுள்ளது.
சந்தேகநபர்கள் போதைப்பொருளை தாய்லாந்தின் பேங்கொக் நகரில் கொள்வனவு செய்து, இந்தியாவின் பெங்களூர் நகருக்கு கொண்டு சென்று, அங்கிருந்து கட்டுநாயக்க விமான நிலையத்திற்கு வருகைதந்துள்ளனர்.
இவ்வாறு கைப்பற்றப்பட்ட போதைப்பொருளின் பெறுமதி சுமார் 6 கோடியே 40 இலட்சத்து 10 ஆயிரம் ரூபாவென மதிப்பிடப்பட்டுள்ளது.
கைது செய்யப்பட்ட சந்தேகநபர்கள் இருவரையும் நீர்கொழும்பு நீதவான் நீதிமன்றத்தில் இன்றைய தினம் முன்னிலைப்படுத்தி தடுப்புக் காவல் உத்தரவுப்பெற்று மேலதிக விசாரணைகளை முன்னெடுக்க திட்டமிடப்பட்டுள்ளது.
