இந்தியாவின் குஜராத் மாநிலத்தில் கண்டெடுக்கப்பட்டதும், இதுவரை இந்தியாவிற்கு வெளியே கொண்டுசெல்லப்படாததுமான புத்த பெருமானின் உடல்சார் புனிதச் சின்னங்கள் இலங்கையில் காட்சிப்படுத்தப்படவுள்ளன.
அதற்கு இந்திய அரசாங்கம் அனுசரணை வழங்கியுள்ளது.
ஜனாதிபதி அநுர குமார திஸாநாயக்க அவர்களுக்கும் இந்தியப் பிரதமர் நரேந்திர மோடி அவர்களுக்கும் இடையில் இடம்பெற்ற பேச்சுவார்த்தையின் பலனாக இப்புனிதச் சின்னங்கள் இலங்கைக்குக் கொண்டுவரப்படவுள்ளன.
இவை பெப்ரவரி 04ஆம் திகதி முதல் 11ஆம் திகதி வரை கொழும்பு கங்காராம விகாரையில் பொதுமக்களின் வழிபாட்டிற்காகக் காட்சிப்படுத்தப்படவுள்ளன.
இது குறித்து கொழும்பு மாவட்ட செயலகத்தில் பிரதமர் ஹரிணி அமரசூரிய தலைமையில் விசேட கலந்துரையாடல் இடம்பெற்றது.









