அமெரிக்காவால் கைதுசெய்யப்பட்டுள்ள வெனிசுலா முன்னாள் ஜனாதிபதி நிகொலஸ் மதுரோ மற்றும் அவரது மனைவி ஆகியோரை பூமியின் நரகம் என்று அழைக்கப்படும் “R-Brooklyn” சிறைச்சாலையில் அடைக்க நியூயோரக் நீதிமன்றம் உத்தரவிட்டுள்ளதாக சர்வதேச ஊடகங்கள் செய்தி வெளியிட்டுள்ளன.
அமெரிக்காவுக்கு அழைத்துச்செல்லப்பட்ட மதுரோ மற்றும் அவரது மனைவி மீது பல்வேறு முக்கிய குற்றச்சாட்டுக்கள் சுமத்தப்பட்டுள்ளன. நியூயோர்க் நீதிமன்றில் நீதிபதி எல்வின் ஹெல்லர்ஸ்டைன் தலைமையில் நிகோலஸ் மதுரோ மீதான விசாரணை நடைபெற்றது.
நீதிமன்றில் கருத்துரைத்த வெனிசுலா முன்னாள் ஜனாதிபதி நிக்கலஸ் மதுரோ, தான் குற்றமற்றவன் எனவும், தன் மீது விதிக்கப்பட்டுள்ள குற்றச்சாட்டுக்களை நிராகரிப்பதாகவும் குறிப்பிட்டுள்ளார்.
மேலும் மதுரோவின் மனைவி எட்ரியானாவும் தன் மீதான குற்றச்சாட்டுகளை மறுத்தார்.
அத்துடன் தானே வெனிசுலாவின் ஜனாதிபதி எனவும் நிக்கலஸ் மடுரோ வலியுறுத்தினார்.
எவ்வாறெனினும் வெனிசுலா உச்சநீதிமன்ற உத்தரவுப்படி, அந்நாட்டு துணை ஜனாதிபதி டெல்சி ரோட்ரிக்ஸ் அந்நாட்டின் இடைக்கால ஜனாதிபதியாக பொறுப்பேற்றுள்ளார்.
இந்நிலையில் நிக்கலஸ் மடுரோ மீதான வழக்கின் விசாரணை எதிர்வரும் மார்ச் 17 ம் திகதிக்கு ஒத்திவைக்கப்பட்டுள்ளது.
அன்றைய தினம் மதுரோ மன்றில் முன்னிலைப்படுத்தப்படவேண்டுமெனவும் நீதிமன்றம் உத்தரவு பிறப்பித்துள்ளதாக சர்வதேச ஊடகங்கள் செய்தி வெளியிட்டுள்ளன.









