2026ம் ஆண்டுக்கான ஃபிஃபா உலகக்கிண்ண காலிறுதிப் போட்டியில், சுவிட்சர்லாந்து அணியை வீழ்த்தி அர்ஜென்டினா அரையிறுதிக்கு முன்னேறியுள்ளது.
மேலதிக நேரத்தில் ஜூலியன் அல்வரெஸ் மற்றும் லௌடாரோ மார்டினெஸ் ஆகியோர் கோல்களைப் புகுத்தி அர்ஜென்டினாவின் வெற்றியை உறுதி செய்தனர்.
சுவிட்சர்லாந்து அணி போட்டியைத் துடிப்புடன் தொடங்கினாலும், அர்ஜென்டினா வீரர் அலெக்சிஸ் மெக் அலிஸ்டர் ,மெஸ்ஸியின் கோனர் வாய்ப்பை இலாவகமாக தலையால் முட்டி கோலாக மாற்றினார்.
அர்ஜென்டினா கோல்கீப்பர் எமிலியானோ மார்டினெஸ், சுவிட்சர்லாந்து வீரர்களின் கோல் பெறும் வாய்ப்புக்களை தடுத்து அணியின் வெற்றிக்கு பங்காற்றினார்.
இரண்டாம் பாதியில் டொன் என்டோயே கோல் அடித்து சுவிட்சர்லாந்தை சமநிலைக்குக் கொண்டு வந்தார்.
போட்டியின் 72-வது நிமிடத்தில், எம்போலோ இரண்டாவது மஞ்சள் அட்டை பெற்று மைதானத்திலிருந்து வெளியேற்றப்படமை, அர்ஜென்டினா அணிக்கு கூடுதல் வாய்ப்பாக அமைந்தது.
மெஸ்ஸியின் முயற்சிகள் தவறிய போதிலும்இ, மேலதிக நேரத்தில் ஜூலியன் அல்வரெஸ் ஒரு அற்புதமான கோலை அடிக்க, தொடர்ந்து லௌடாரோ மார்டினெஸ் மற்றுமொரு கோலை அடித்து வெற்றியை உறுதி செய்தனர்.
குறித்த வெற்றியின் மூலம், எதிர்வரும் புதன்கிழமை அட்லாண்டா மைதானத்தில் நடைபெறவுள்ள இரண்டாவது அரையிறுதிப் போட்டியில், இங்கிலாந்து அணியை அர்ஜென்டினா அணி எதிர்கொள்ளவுள்ளது.
