பிரேசில் ஜனாதிபதி லூலா டா சில்வா காஸாவில் இடம்பெறும் இனப்படுகொலையை கண்டித்துள்ளார். ரியோ டி ஜெனிரோவில் வளர்ந்து வரும் பிரிக்ஸ் நாடுகளின் 11 தலைவர்கள மத்தியில் உரையாற்றுபோதே அவர் இவ்வாறு குறிப்பிட்டுள்ளார்.
காஸாவில் இஸ்ரேலின் முன்னெடுக்கும் செயற்பாடு இனப்படுகொலை என்றும் , அதனை நிறுத்துவதற்கு உலகம் செயல்பட வேண்டும் என்றும் பிரேசில் ஜனாதிபதி சுட்டிக்காட்டியுள்ளார்.
அப்பாவி பொதுமக்களை கண்மூடித்தனமாக கொன்று குவிப்பதும், பசியை ஒரு போர் ஆயுதமாகப் பயன்படுத்துவதை பார்த்துக்கொண்டு அலட்சியமாக இருக்க முடியாதெனவும் ஜனாதிபதி பிரேசில் ஜனாதிபதி லூலா டா சில்வா , சீனா, இந்தியா மற்றும் ஏனைய நாடுகளின் தலைவர்களிடம் திட்டவட்டமாக குறிப்பிட்டுள்ளார்.
எனினும் ஈரான் மீது இஸ்ரேல் குண்டுவீச்சு தாக்குதல்களை மேற்கொண்டமை மற்றும் காஸாவில் மேற்கொள்ளும் தாக்குதல்கள் குறித்து பிரிக்ஸ் நாடுகள் மத்தியில் மாற்றுக்கருத்துகள் காணப்படுகின்றன.
