27ஆவது கொழும்பு சர்வதேச புத்தகக் கண்காட்சி இன்று கொழும்பு பண்டாரநாயக்க சர்வதேச மாநாட்டு மண்டப வளாகத்தில் ஆரம்பமாகியுள்ளது.
இலங்கை புத்தக வெளியீட்டாளர்கள் சங்கத்தினால் ஏற்பாடு செய்யப்படும் இப்புத்தகக் கண்காட்சி, எதிர்வரும் அக்டோபர் 4ஆம் திகதி வரை 10 நாட்களுக்கு நடைபெறவுள்ளது.
தினமும் காலை 9 மணி முதல் இரவு 9 மணி வரை பொதுமக்கள் கண்காட்சியைப் பார்வையிட முடியும்.
உள்நாட்டு மற்றும் சர்வதேச பதிப்பாளர்களின் பல்வேறு நூல்கள் இங்கு காட்சிப்படுத்தப்படுவதுடன், சிறப்பு தள்ளுபடி விலைகளிலும் நூல்களைப் பெற்றுக்கொள்ளும் வாய்ப்பு வழங்கப்பட்டுள்ளது.
புதிய நூல்கள் அறிமுகம், எழுத்தாளர்களுடனான கலந்துரையாடல்கள், குழந்தைகளுக்கான நிகழ்ச்சிகள் உள்ளிட்ட பல்வேறு இலக்கிய மற்றும் கலாசார நிகழ்வுகளும் இடம்பெறவுள்ளன.
வாசிப்பு, அறிவு மற்றும் இலக்கியத்தை கொண்டாடும் இந்தப் புத்தகக் கண்காட்சியில், பொதுமக்கள் அனைவரும் கலந்துகொள்ளுமாறு ஏற்பாட்டாளர்கள் அழைப்பு விடுத்துள்ளனர்.
