ஐபீஎல் கிண்ணத்தை மூன்றாவது முறையாகவும் கைப்பற்றியது கொல்கத்தா நைட் ரைடர்ஸ் அணி
2024ம் ஆண்டுக்கான ஐபீஎல் தொடரின் இறுதிப்போட்டியில் சந்ரைசஸ் ஹைதராபாத் அணியை 8 விக்கட்டுகளினால் வெற்றிகொண்டு, இலகுவெற்றியை பதிவுசெய்தது கொல்கத்தா.
போட்டியில் நாணய சுழற்சியில் வெற்றிபெற்ற ஹைதராபாத் அணியின் தலைவர் பெட் கமின்ஸ், அணியின் துடுப்பாட்ட வரிசையை நம்பி, முதலில் துடுப்பெடுத்தாட தீர்மானித்தார். எனினும் ஆரம்பம் முதலே கொல்கத்தா அணியின் பந்துவீச்சாளர்கள் விக்கட்டுகளை வீழ்த்தி, மிரட்டினர்.
18.3 ஓவர்களில் சகல விக்கட்டுகளையும் இழந்து சன்ரைசஸ் அணியினர் 113 ஒட்டங்களையே பெற்றுக்கொண்டனர். அதிகட்பசமாக 24 ஓட்டங்கள் அணித்தலைவர் பெட் கமின்சினால் பெறப்பட்டது. பந்துவீச்சில் என்ரூ ரசெல் 3 விக்கட்டுகளை வீழ்த்தினார். மிச்செல் ஸ்டார்க், ஹர்சிட் ரானா ஆகியோர் தலா இவ்விரண்டு வீக்கட்டுகளை கைப்பற்றினர்.
114 ஓட்டங்களை இலகு வெற்றி கொல்கத்தா அணிக்கு காணப்பட்டபோதும், பந்துவீச்சாளர்கள் கைகொடுப்பார்களென ஹைதராபாத் ரசிகர்கள் எதிர்பார்த்தனர். எனினும் கொல்கத்தா அணியின் துடுப்பாட்ட வீரர்கள் வேகமாக ஓட்டங்களை குவித்து10.3 ஓவர்களில் இரண்டு விக்கட்டுகளை மாத்திரம் இழந்து வெற்றியை தம்வசப்படுத்தினர்.
வெங்கடேஷ் ஐயர் ஆட்டமிழக்காமல் 52 ஓட்டங்களையும், ரஹ்மானுல்லா குர்பாஸ் 39 ஓட்டங்களையும் பெற்றுக்கொடுத்தனர்.
ஆட்டநாயகனாக மிச்செல் ஸ்டார்க் தெரிவானதோடு, இந்த தொடர் முழுதும் சிறப்பாக பந்துவீச்சு மற்றும் துடுப்பாட்டத்தில் பிரகாசித்த சுனில் நரேன் தொடர் நாயகனாக தெரிவுசெய்யப்பட்டார்.
