வீடுகள், வர்த்தக நிலையங்கள் அல்லது ஏனைய சொத்துக்களை வாடகைக்கு வழங்கும் உரிமையாளர்கள், வாடகைக்கு வருபவர்களின் பின்னணி குறித்து முறையாக ஆராய்ந்த பின்னரே சொத்துக்களை வாடகைக்கு வழங்க வேண்டும் என பொலிஸார் அறிவுறுத்தியுள்ளனர்.
வாடகைக்கு வழங்கப்பட்ட சொத்துக்களில் இருந்து போதைப்பொருட்கள், ஆயுதங்கள் உள்ளிட்ட குற்றச் செயல்களுடன் தொடர்புடைய பொருட்கள் அடிக்கடி கைப்பற்றப்பட்டு வருவதாக பொலிஸ் சிரேஷ்ட பிரதி பொலிஸ் மா அதிபர் தெரிவித்துள்ளார்.
இதனால், தங்களது சொத்துக்களை வாடகைக்கு வழங்கும் உரிமையாளர்கள், வாடகைக்கு வருபவர்களின் அடையாளம், தொடர்பு விபரங்கள் மற்றும் அவர்களின் பின்னணி தொடர்பில் உரிய கவனம் செலுத்துமாறு பொலிஸார் கேட்டுக்கொண்டுள்ளனர்.
குறிப்பாக, சந்தேகத்திற்கிடமான நடவடிக்கைகள் தொடர்பில் தகவல்கள் கிடைத்தால், அவற்றை அலட்சியப்படுத்தாமல் உடனடியாக பொலிஸாருக்கு அறிவிக்குமாறும் அறிவுறுத்தப்பட்டுள்ளது.
உங்கள் சொத்து மட்டுமல்ல… அதன் மூலம் ஏற்படக்கூடிய சட்டரீதியான பிரச்சினைகளுக்கும் நீங்கள் பொறுப்பேற்க வேண்டிய நிலை ஏற்படலாம்.
எனவே, வீட்டையோ வர்த்தக நிலையத்தையோ வாடகைக்கு வழங்குவதற்கு முன் — வாடகைக்கு வருபவரின் பின்னணியை அறிந்து, அவதானத்துடன் செயற்படுங்கள்.
