- ஐபீஎல் இறுதிப்போட்டி இன்று
- இரவு 07.30 க்கு சென்னை சேப்பாக்கம் சிதம்பரம் மைதானத்தில்
2024ம் ஆண்டுக்கான ஐபீஎல் தொடரின் இறுதிப்போட்டி இன்றைய தினம் சென்னை சேப்பாக்கம் மைதானத்தில் நடைபெறவுள்ளது. கொல்கத்தா நைட் ரைடர்ஸ் – சன் ரைசஸ் ஹைதராபாத் அணிகளுக்கிடையில் பலப்பரீட்சை இடம்பெறவுள்ளது.
2012 மற்றும் 2014ம் ஆண்டுகளில் இரண்டு இரண்டு முறை ஏற்கனவே ஐபீஎல் செம்பியன்களான கொல்கத்தா அணி , 2016ம் ஆண்டு செம்பியனான சன் ரைசஸ் ஹைதராபாத் அணியை இறுதிப்போட்டியில் எதிர்கொள்ளவுள்ளது.
கொல்கத்தா அணியை ஸ்ரேயாஸ் ஐயர் வழிநடத்துகின்றார். இந்நிலையில் பெட் கமின்ஸ் சன்ரைசஸ் அணிக்கு தலைவராக செயற்படுகின்றார். இரு அணித்தலைவர்களும் சென்னை மெரினா கடற்கரையில் ஐபீஎல் கிண்ணத்துடன் விசேட புகைப்படங்களை எடுத்துக்கொண்டனர்.
இதேவேளை இன்றைய இறுதிப்போட்டியில் இம்முறை ஐபீஎல் தொடருக்காக அதிக தொகை ஏலத்தில் எடுக்கப்பட்ட இரண்டு வீரர்கள் எதிரணிகளில் விளையாடவுள்ளமை சிறப்பம்சமாகும்.
மிச்செல் ஸ்டர்க் ரூ.24.75 கோடி இந்திய ரூபாவிலும், பெட் கம்மின்ஸ் ரூ.20.50 கோடி இந்திய ரூபாவிலும் ஏலமெடுக்கப்பட்டிருந்தனர்.
