சீனி உள்ளடங்கிய திரவ உணவுப் பொருட்களுக்கான நிற குறியீட்டு லேபிள் ஒழுங்கு விதிகளில் திருத்தம் செய்து அதிவிசேட வர்த்தமானி அறிவிப்பு வெளியிடப்பட்டுள்ளது.
புதிய ஒழுங்குவிதிகளின்படி, சர்க்கரை கொண்ட பானங்களின் பொதிகளில் கட்டாயமாக இடம்பெற வேண்டிய சிவப்பு, மஞ்சள் (அம்பர்) மற்றும் பச்சை நிறக் குறியீடுகளின் வடிவமைப்பு மற்றும் காட்சிப்படுத்தல் தொடர்பான வழிகாட்டுதல்கள் புதுப்பிக்கப்பட்டுள்ளன.
திருத்தப்பட்ட அட்டவணையின்படி 100 மில்லிலீற்றருக்கு 8.0 கிராமுக்கு மேல் சீனி கொண்ட பானங்களுக்கு சிவப்பு நிற லேபிள் கட்டாயம்.
100 மில்லிலீற்றருக்கு 2.5 கிராம் முதல் 8.0 கிராம் வரை சீனி கொண்ட பானங்களுக்கு மஞ்சள் (அம்பர்) நிற லேபிள் வழங்கப்படும்.
100 மில்லிலீற்றருக்கு 2.5 கிராமுக்கு குறைவான சீனி கொண்ட பானங்களுக்கு பச்சை நிற லேபிள் கட்டாயமென அறிவுறுத்தப்பட்டுள்ளது.
குறியீட்டு நிலைகள் தொடர்பான குறிப்புகள்.
சிவப்பு நிறம் (உயர்நிலை): ஆபத்தான அளவுக்குக் கூடிய அளவு உள்ளது. இந்த உணவுகளைக் குறைவாக உட்கொள்ள வேண்டும். நீரிழிவுஇ இரத்த அழுத்தம் உள்ளவர்கள் எச்சரிக்கையாக இருக்க வேண்டும்.
மஞ்சள் நிறம் (நடுநிலை): மிதமான அளவு உள்ளது.
பச்சை நிறம் (குறைந்த நிலை): மிகவும் குறைந்த அளவு உள்ளது. இது ஆரோக்கியமான தெரிவு
