நாட்டில் ஏற்பட்ட பேரிடர் காரணமாக, நேரடியாக பழங்குடி இன மக்கள் பாதிக்கப்படா விட்டாலும் 100 க்கும் மேற்பட்ட பழங்குடி இன குடும்பங்கள் கடுமையான பொருளாதார நெருக்கடியை எதிர்கொண்டுள்ளதாக பழங்குடியினத் தலைவர் ஊருவரிகே வன்னிலா எத்தோ தெரிவித்துள்ளார்.
கொழும்பில் ஊடகங்களுக்கு கருத்து தெரிவிக்கும் போதே அவர் இவ்வாறு குறிப்பிட்டுள்ளார்.
பொறுப்பற்ற அபிவிருத்தி திட்டங்கள் மற்றும் இயற்கைக்கு முரணான மனித செயல்பாடுகள் காரணமாக தற்போதைய இயற்கை பேரழிவுகள் உருவாகியுள்ளதாகவும், மனிதன், இயற்கையைக் கட்டுப்படுத்த முயற்சிக்கக்கூடாதெனவும் பழங்குடியினத் தலைவர் ஊருவரிகே வன்னிலா எத்தோ தெரிவித்துள்ளார்.
அண்மைய மண்சரிவு, பாறைகளின் சரிவு மற்றும் வெள்ளப்பெருக்கு என்பவற்றுக்கு காரணம், ஆயிரக்கணக்கான ஆண்டுகளாக ஒழுங்கற்ற அபிவிருத்தி நடவடிக்கைகள் காரணமாக காடுகளால் மூடப்பட்ட மலைத்தொடர்கள் அழிக்கப்பட்டதன் நேரடி விளைவு என் அவர் சுட்டிக்காட்டியுள்ளார்.
ஆயிரக்கணக்கான ஆண்டுகளாக காடுகளால் மூடப்பட்ட மலைத்தொடர்கள் முறையற்ற அபிவிருத்தி திட்டங்கள் காரணமாக அழிக்கப்பட்டுள்ளதாகவும் அதன் நேரடி விளைவே அனர்த்தங்கள் ஏற்பட காரணமெனவும் மனிதன் இயற்கைக்கு ஏற்படுத்தும் அழிவுக்கு, இயற்கை மிகவும் மோசமாக பதிலளித்துள்ளதாகவும், அதனால் இயற்கையை நேசிப்பவர்களும் இயற்கையின் எதிரிகள் இருவரும் சமமாக பாதிக்கப்பட வேண்டிய நிலை உருவாகியுள்ளதாகவும் ஊருவரிகே வன்னிலா எத்தோ தெரிவித்துள்ளார்.
இந்நிலையில் பழங்குடியின மக்கள் வாழும் பகுதிகளுக்கு நேரடி பாதிப்பு ஏற்படாதபோதும், பேரிடர் சூழ்நிலை காரணமாக சுற்றுலாப் பயணிகளின் குறைவடைந்துள்ளதாகவும், அதன் காரணமாக சுற்றுலாத் துறையை நம்பியுள்ள 100 க்கும் மேற்பட்ட பழங்குடி இன குடும்பங்கள் கடுமையான பொருளாதார நெருக்கடியை எதிர்கொண்டுள்ளதாக அவர் மேலும் தெரிவித்துள்ளார்.









