இலங்கை அணிக்கு புதிய இரண்டு பயிற்றுவிப்பாளர்கள் நியமிக்கப்பட்டுள்ளதாக ஶ்ரீலங்கா கிரிக்கெட் அறிவித்துள்ளது.
இலங்கை அணியின் துடுப்பாட்ட பயிற்றுவிப்பாளராக ஜூலியன் வுட் நியமிக்கப்பட்டுள்ளதாகவும், ஒக்டோபர் 1ம் திகதி முதல் அமுலாகும் வகையில் ஒரு வருட காலத்திற்கு துடுப்பாட்ட பயிற்றுவிப்பாளராக அவர் செயற்படுவாரெனவும் ஶ்ரீலங்கா கிரிக்கெட் தகவல்கள் தெரிவிக்கின்றன.
புதிய மற்றும் நவீன “Power Hitting Program” திட்டத்தை உருவாக்கியவகியவராக கருதப்படும் ஜூலியன் வுட் , கிரிக்கெட் தொழில்நுட்ப பயிற்சி முறைமைகள் மற்றும் உயிரியல்பொறிமுறைகளுடன் (biomechanics) இணைத்து வீரர்களின் பந்துவீச்சு வலிமையை (impact power) மேம்படுத்த பங்களிப்பு வழங்கவுள்ளார்.
ஜூலியன் வுட் இங்கிலாந்து மற்றும் வேல்ஸ் கிரிக்கெட் சபை (ECB), Gloucestershire CCC, Hampshire CCC, Middlesex CCC, பஞ்சாப் கிங்ஸ் ஆகியவற்றுடன் பணியாற்றிய அனுபவமுள்ளவர்.
இந்நிலையில் ரெனே ஃபெர்டினாண்ட்ஸ் இலங்கை அணியின் சுழற்பந்து வீச்சு பயிற்றுவிப்பாளராக நியமிக்கப்பட்டுள்ளாதாகவும், செப்டம்பர் 30ம் திகதி முதல் அமுலாகும் வகையில் எதிர்வரும் 2 வருட காலத்திற்கு நியமனம் வழங்கப்பட்டுள்ளதாகவும் தெரியவந்துள்ளது.
